CCLexicon App Announcement

Dear CCLexicon app users, as you have probably noticed the app experienced some problems recently. We are pleased to inform that the problem has been fixed and that the app is now working as usual.

In case you are still experiencing difficulties in iOS or Android mobile phones, please follow the steps below:  

    1. Delete the old app on your mobile device
    2. Go to app store/paly store and re-install the CCLexicon app

For some mobile phone models, you will only have to update the app in the app store/play store.

Sorry for inconvenience.

 

CCTWG Inputs to National Climate Change Monitoring and Evaluation Work

CCTWG meeting SHV 20Jun2017Preah Sihanouk, 20-21 June 2017 – Department of Climate Change, General Secretariat of the National Council for Sustainable Development (NCSD) with support from Cambodia Climate Change Alliance (CCCA), organized a two-day meeting to gather Climate Change Technical Team’s Inputs to National Climate Change Monitoring and Evaluation Work. During the meeting, CCTWG members and the respective M&E senior staff discussed the national monitoring and evaluation (M&E) framework for climate change response and updated its institutional readiness indicators; they have also provided inputs to the proposal for Cambodia’s Sustainable Development Goal 13 (Combating Climate Change) and to the reporting tool to track the implementation of sectoral Climate Change Action Plans.

អាន​បន្ត...
 

ប្រព័ន្ធដាំដុះ​ដោយ​ប្រើ​ដំណាំ​​គម្រប​ដី​​និង​មិនភ្ជួរដី៖​ តើការ​អនុវត្តបច្ចេកទេស​នេះ​នៅ​មូលដ្ឋាន​នឹង​ផ្តល់ព័ត៌មាន​សម្រាប់​គោល​នយោបាយជាតិ​យ៉ាង​ដូចម្តេច?

DMC systemទម្លាប់នៃការអនុវត្តកសិកម្មអភិរក្ស ច្រើននាំ​មកនូវ​ផល​ប៉ះពាល់អវិជ្ជ​មានមកលើ​ធនធានធម្មជាតិ ដូចជា ដី ទឹក និងជីវៈចម្រុះ។ ភាព​រាំង​ស្ងួត​កាន់តែ​ធ្ងន់ធ្ងរនិង​ញឹកញាប់ បណ្តាលឱ្យកសិករតូចតាច​នៅ​តំបន់​កសិកម្ម​ពឹង​ទឹក​ភ្លៀង ដែលមានសរុបជាង៨០% នៃផ្ទៃដីដាំដុះ​សរុប​នៅ​កម្ពុជា កាន់​តែ​ប្រឈមនឹងភាពងាយ​រងគ្រោះ។ ប្រព័ន្ធ​DMC​ត្រូវបានបង្កើតឡើង ដើម្បីដោះស្រាយ​​បញ្ហា​ប្រឈម​ទាំងនេះដោយបង្កើនភាពធន់នៃដី និង​បង្កើន​សមត្ថភាព​បន្សាំុ​របស់​កសិករ​តូចតាច​ចំពោះ​កង្វះទឹក​និង​ភាពរាំងស្ងួត។

លទ្ធផលនៃការពិសោធនៅកម្ពុជា បង្ហាញ​ថាប្រព័ន្ធនេះ​គឺជា​វិធានការបន្សាំុមួយ​ប្រកប​ដោយប្រសិទ្ធភាព​ក្នុងការ​បង្កើនសមត្ថ​ភាពរក្សាសំណើម​ដីនិង​កាត់បន្ថយ​រំហួត។ លើសពីនេះ ប្រព័ន្ធនេះអាច​កាត់បន្ថយ​ហានិភ័យ​អាកាស​ធាតុ ដោយផ្តល់មកវិញនូវជម្រើសបត់​បែន​​សម្រាប់​កសិករ​ក្នុង​ការ​ដាំ​ដំណាំចម្បង ដូចជា ដំឡូងមី និងស្រូវ ដែលបន្ត​ដោយ​ជម្រើស​​ដំណាំបន្ទាប់បន្សំដែលមានវដ្តលូតលាស់ខ្លីខុសគ្នា។ ប្រព័ន្ធនេះក៏រួមចំណែក​ដល់ការ​កាត់បន្ថយ​ការបញ្ចេញ​ឧស្ម័ន​ផ្ទះ​កញ្ចក់​ដោយ​សារការ​ឈប់ភ្ជួរនិងរាស់ដី ហើយបន្ទាប់មក​បង្កើន​សារធាតុ​សរីរាង្គក្នុងដី (រួម​បញ្ចូល​ទាំង​កាបូនសរីរាង្គដី) នាំឱ្យ​បង្កើនការ​ស្រូប​ទុកកាបូន។

គម្រោងប្រពលវប្បកម្មអេកូឡូស៊ីដីនិង​មុខងារ​កម្ម​ប្រព័ន្ធ​អេកូឡូស៊ី​(EISOFUN) ដែលអនុវត្តដោយ​អគ្គនាយកដ្ឋាន​កសិកម្ម​នៃ​ក្រសួង​កសិ​កម្ម រុក្ខាប្រមាញ់​ និង​​នេសាទ សកលវិទ្យាល័យភូមិន្ទកសិកម្ម និង​​វិទ្យា​ស្ថាន​​បច្ចេកវិទ្យាកម្ពុជា និង​គាំទ្រ​ពី​កម្មវិធី​សម្ព័ន្ធភាពប្រែប្រួលអាកាសធាតុកម្ពុជា(CCCA) មាន​គោលដៅ​បង្កើត​ចំណេះដឹងវិទ្យា​សាស្រ្តអំពី​សេវា​ប្រព័ន្ធ​អេកូឡូ​ស៊ីដី ដែល​អាច​ជួយអ្នករៀបចំគោលនយោបាយ​អាចរៀបចំ​គោលនយោបាយ​នវា​នុវត្តន៍​និងយន្តការសមស្រប សម្រាប់​​ជួយ​កសិករ​និង​បង្កើនការផ្សព្វ​ផ្សាយ​ប្រព័ន្ធដំាំដុះនេះ។ ដៃគូ​គម្រោង​EISOFUN បានគូស​បញ្ជាក់ថា​គម្រោងនេះជាផ្នែកមួយ​នៃការ​រួម​ចំណែក​អនុវត្ត​ផែនការ​យុទ្ធសាស្រ្តឆ្លើយតបនឹងការប្រែប្រួលអាកាសធាតុកម្ពុជា និង​ផែន​ការយុទ្ធសាស្រ្តអភិវឌ្ឍន៍របស់ក្រសួងកសិកម្ម រុក្ខាប្រមាញ់ និងនេសាទ ដោយជំរុញកសិកម្មឆ្លាត​ខាង​អាកាស​ធាតុ​និង​ពង្រឹងការអភិវឌ្ឍទម្លាប់កសិកម្មច្នៃប្រឌិត​តាម​បែប​ធម្មជាតិ សំដៅបង្កើនភាព​បន្សាំុ និងកាត់បន្ថយ​ការប្រែប្រួលអាកាសធាតុនៅ​កម្ពុជា។

លទ្ធផលនៃការអនុវត្តគម្រោងនឹងរួមចំណែកផ្តល់ជាព័ត៌មានសម្រាប់កម្មវិធី​របស់ក្រសួងកសិកម្ម និងគោលនយោ​បាយ​ជាតិ​របស់​ក្រសួងកសិកម្ម (ដូចជា ច្បាប់ស្តីពីការគ្រប់គ្រងដីកសិកម្ម) តាមរយៈទិវាស្រែកសិករ វេទិកាពហុ​អ្នកពាក់ព័ន្ធ ឯកសារ​សង្ខេប​គោល​នយោបាយ វេទិកាចែករំលែក និងផ្សព្វផ្សាយចំណេះដឹង៕

តើប្រព័ន្ធដាំដុះដោយប្រើដំណាំគម្របដី​និងមិនភ្ជួរដី ជាអ្វី?
ប្រព័ន្ធដាំដុះដោយប្រើ​ដំណាំគម្របដី​និងមិនភ្ជួរដី(Direct Seeding Much-based Cropping: DMC) ប្រើប្រាស់​គោលការណ៍​បច្ចេក​ទេស​នៃ​កសិកម្មអភិរក្ស​ចំនួន​៣ :  រំខានដីតិចតួច មាន​គម្របដីជាប្រចាំ និងពិពិធកម្មមុខដំណាំ។ ​ប្រព័ន្ធនេះ ជួយ​ឱ្យ​ដំណាំ​គម្របដីមានមុខងារខុសគ្នា និងប្រើប្រភេទដំណាំខុសគ្នាសមស្រប ដើម្បី​កែលម្អ​ដំណើរការ​ជីវសាស្រ្ត​និងប្រព័ន្ធ​ផលិតកម្ម​ទាំង​មូល ​​រួម​ចំណែកបង្កើន​ភាពរស់​នៃដី​​។ ប្រព័ន្ធ​នេះ​ប្រើប្រាស់​ដំណាំ​ច្រើនប្រភេទ​តាមរដូវ​កាល​និងទីកន្លែង​ជាក់លាក់ ពីកម្រិត​ចម្ការ​ដល់តំបន់ទេស​ភាព ដើម្បីបង្កើនជីជាតិដីសម្រាប់ដំណាំ​ កាត់​បន្ថយការបាត់បង់ទឹកនិងជីជាតិ ពង្រីកវត្តមាន​សារពាង្គកាយ​រស់​របស់​​ដី និងបង្កើនអត្ថប្រយោជន៍ទៅវិញទៅមក​របស់កសិប្រព័ន្ធអេកូឡូស៊ីតាមរយៈអន្តរកម្មជីវសាស្រ្តនិង​ភាពបំពេញគ្នា។

អាន​បន្ត...
 

កាត់បន្ថយភាពងាយរងគ្រោះរបស់ប្រជាជនកម្ពុជានៅតាមជនបទ

SRL projectដើម្បីកែលម្អរបរចិញ្ចឹមជីវិតរបស់​ប្រជាជនធន់​នឹងការប្រែ​ប្រួល​អាកាស​ធាតុ​ក្នុង​រយៈពេលវែង គឺត្រូវ​កែលម្អ​ការ​គ្រប់គ្រង​និងប្រើប្រាស់ធនធា​នទឹកដែល​មាន​ស្រាប់​​នៅ​មូលដ្ឋាន​សម្រាប់​​កស​iកម្ម។ គម្រោង "​កាត់​បន្ថយ​ភាព​ងាយ​រង​គ្រោះនៃ​ជីវ​ភាព​​របស់​ប្រជាជនកម្ពុជា​នៅជន​បទ​តាម​រយៈ​ការ​ពង្រឹងផែនការ​ប្រែប្រួល​អាកាស​ធាតុ​នៅ​ថ្នាក់​​​ក្រោម​ជាតិ​និងការ​អនុវត្តសកម្មភាព​អាទិ​ភាព" ហៅកាត់ថា គម្រោងSRL​ កំពុង​ធ្វើ​កិច្ចការខាងលើ ដោយ​ផ្តោត​​ជាពិសេស​លើគ្រួសារ​ក្រី​ក្រ មាន​ដី​តិច​តួចឬ​គ្មាន​ដី និង​/​ឬ​ស្រ្តី​ជា​មេគ្រួសារ។

គម្រោង​​នេះអនុវត្ត​ដោយ​នាយកដ្ឋាន​ប្រែប្រួល​​អាកាស​ធាតុ​​នៃអ​គ្គ​លេ​ខា​ធិការ​​ដ្ឋាន​ក្រុម​ប្រឹក្សាជាតិអភិវឌ្ឍន៍​ដោយ​ចីរភាព សម្របសម្រួលជាមួយ​លេខាធិការដ្ឋាន​គណៈកម្មាធិការជាតិសម្រាប់​ការអភិវឌ្ឍ​តាមបែប​ប្រជាធិបតេ​យ្យ​នៅ​ថ្នាក់ក្រោមជាតិ(គ.ជ.អ.ប.)។ ចាប់ពីខែកក្កដា​ ឆ្នាំ​២០១៥ រហូត​ខែធ្នូ ឆ្នាំ២០១៩ គម្រោង​​នេះនឹង​អនុវត្ត​នៅ​ក្នុង​ឃុំចំនួន៨៩ក្នុងស្រុក​ចំនួន១០ នៃ​ខេត្ត​សៀម​រាប​និងកំពង់ធំ ដើម្បីកែលម្អប្រព័ន្ធរដ្ឋបាលថ្នាក់ក្រោម​ជាតិពាក់ព័ន្ធនឹងរបរ​ចិញ្ចឹមជីវិត​នៅតំបន់ជនបទ តាម​រយៈ​ការរៀបចំផែនការ ថវិកា និង​ការ​អនុវត្ត​​​​សកម្មភាពដែលគិត​គូរពីអា​កាស​ធាតុ។

គោលដៅ​របស់គម្រោងSRL នឹង​សម្រេច​បាន​លទ្ធផលចម្បងចំនួនបី៖

- ពង្រឹងផែនការប្រែប្រួលអាកាសធាតុ ​ថវិកា និងការ​អនុវត្តនៅ​ថ្នាក់​ក្រោមជាតិ ដោយ​ធ្វើការគាំទ្រ​ការបញ្ជ្រាបវិធានការ​បន្សាំុទៅ​ក្នុង​ផែនការ​និង​​កម្មវិធីវិនិយោគ​​មាន​ស្រាប់របស់ស្រុកចំនួន១០និងឃុំនានា​នៃ​ស្រុកទាំងនោះ តាម​​​រយៈ​ការអភិវឌ្ឍ​សមត្ថភាព​បច្ចេក​​ទេស​ផ្នែក​ផ្សព្វ​ផ្សាយ​អំពី​កសិកម្ម​គិតគូរអាកាសធាតុ និងផ្នែករៀបចំផែនការនិងអនុវត្តការងារ​វិនិយោគ​ហេដ្ឋារចនា​សម្ព័ន្ធ​ធន់នឹងអាកាសធាតុ។

- ធ្វើឱ្យប្រសើរឡើងនូវភាពធន់នៃជីវភាពរស់នៅរបស់ប្រជាជនងាយរងគ្រោះដោយការប្រែប្រួលរបបទឹកភ្លៀង ទឹក​ជំនន់ និង​ភាព​រាំងស្ងួត តាមរយៈ ការវិនិយោគ ហេដ្ឋារចនាសម្ព័ន្ធគ្រប់គ្រងទឹកខ្នាតតូចដែល​ជួយ​ឱ្យកសិករទប់នឹងការធ្លាក់ភ្លៀង​វស្សា​ដែលមិន​អាចព្យាករណ៍​ ហើយធ្វើឱ្យផលិតកម្មកសិកម្ម​កាន់តែមានភាពធន់។ ក្រុម​​ស្រ្តី​ក្រីក្រ​និង​ងាយ​រងគ្រោះ នឹង​ទទួល​ការគាំទ្រ​សម្រាប់​បង្កើត​មុខរបរ​ចិញ្ចឹម​ជីវិត​ដែល​ទាមទារ​ដី​ទំហំតូចប៉ុណ្ណោះ  និង​ទទួល​ការ​គាំទ្រ​បន្ថែម​ផ្នែក​កសាងមូលធន​សង្គម។

- ធ្វើឱ្យប្រសើរនូវបរិយាកាសទាក់ទាញជំនួយ និងពង្រីកការគ្រប់គ្រងហិរញវត្ថុបន្សាំុ​នឹង​ការ​ប្រែ​ប្រួល​អាកាស​ធាតុ​ថ្នាក់​ក្រោមជាតិ ដើម្បីកសាង​ភាព​ធន់​​នៃជីវភាពរស់់នៅ​តាមជនបទ ដោយ​​កែលម្អ​ប្រព័ន្ធ​វាយ​តម្លៃការងារ​រដ្ឋាភិបាល​ថ្នាក់ក្រោម​ជាតិលើ​ផ្នែក​បន្សាំុ ដោយ​ប្រើប្រាស់​ជំនួយឥត​សំណងសម្រាប់ធន់នឹងអាកាសធាតុផ្អែកលើលទ្ធផល (ដើម្បី​ផ្តល់​ថវិកាបដិភាគ​ សម្រាប់​វិនិយោគ​ហេដ្ឋា​រចនាសម្ព័ន្ធ) ពង្រឹងសមត្ថភាពរដ្ឋបាលថ្នាក់ក្រោមជាតិ តាម​ដាន វាយតម្លៃ ព្រមទាំងលើក​ផែនការកែលម្អ​សមត្ថភាព​និង​លទ្ធផលក្នុងការបន្សាំុនឹងការប្រែប្រួលអាកាសធាតុ។

សិក្ខាសាលាបើក​ដំណើរការ​គម្រោងSRLជាផ្លូវការ​បានរៀបចំ​ឡើង​នៅខេត្ត​សៀមរាប កាលពីថ្ងៃទី២៧ ខែមីនា ឆ្នាំ២០១៧ ដោយ​មានការ​ចូល​រួមពី​អ្នកពាក់ព័ន្ធ​សរុប​ចំនួន៨០នាក់ តំណាងស្ថាប័នថ្នាក់​ជាតិក្រោមជាតិ ​ដៃគូ​អភិវឌ្ឍ អង្គការមិនមែនរដ្ឋាភិបាល និងអាជ្ញាធរ​មូលដ្ឋាន៕

អាន​បន្ត...
 

កិច្ចពិគ្រោះ​យោបល់​ជាមួយ​អ្នកពាក់ព័ន្ធ​អំពី​ក្របខណ្ឌ​ហិរញ្ញប្បទាន​ផែនការ​ជាតិ​បន្សាំុ​នឹង​ការប្រែប្រួល​អាកាសធាតុ

NAP strategy workshopដោយមានកិច្ចសហប្រតិបត្តិការនិងជំនួយហិរញ្ញវត្ថុ ពីទីភ្នាក់ងារសហរដ្ឋអាមេរិកសម្រាប់​អភិវឌ្ឍន៍ អន្តរជាតិ (USAID) កិច្ច​សហ​ប្រតិ​បត្តិការ​អាល្លឺម៉ង់(GIZ) កំពុង​អនុវត្តកម្មវិធីត្រៀមហិរញ្ញវត្ថុអាកាសធាតុ ដើម្បី​គាំទ្រ​ផ្នែកបច្ចេកទេស អនុវត្ត​ផែនការ​ជាតិ​បន្សាំុ​នឹងការ​ប្រែប្រួល អាកាសធាតុដល់នាយកដ្ឋានប្រែប្រួល​អាកាស​ធាតុ​។ ក្នុងន័យនេះក្របខណ្ឌហិរញ្ញប្បទាន​ផែនការ​ជាតិ​បន្សាំុ គឺជា​សមិទ្ធផល​សំខាន់​មួយនៃកម្មវិធី​ត្រៀម​ហិរញ្ញ​វត្ថុ​​អាកាសធាតុ ដើម្បី​បង្កើន​ល្បឿនភាព​ត្រៀម​នៃ​ហិរញ្ញ​វត្ថុអាកាសធាតុនៅកម្ពុជា។

នៅខែកុម្ភៈ ឆ្នាំ២០១៧ សិក្ខាសាលា​ពិគ្រោះយោបល់​ដែល​មាន​អ្នក​​ចូលរួមសរុប៤៤រូប តំណាងក្រសួង​ស្ថាប័ន​និងដៃគូអភិវឌ្ឍចំនួន​២៣​ស្ថាប័ន រួមគ្នាពិភាក្សា​និងផ្តល់​យោបល់លើសេចក្តីព្រាងក្របខណ្ឌហិរញ្ញប្បទាននេះនិង​ផែនការអនុវត្ត និង​បានវិភាគ​សកម្មភាព​អាទិភាព​ចំនួន​៤០​ដែលស្រង់ពី​សកម្មភាព​ពុំទាន់​ទទួល​មូលនិធិ​ចំនួន​១៤៨​​នៅ​ក្នុង​ផែនការសកម្មភាពឆ្លើយតបនឹង​ការ​ប្រែប្រួលអាកាសធាតុរបស់ក្រសួងស្ថាប័នដែលងាយរងផលប៉ះពាល់​​ដោយសារអាកាសធាតុ។

អាន​បន្ត...
 

របាយការណ៍​វាយតម្លៃ​លើកទី៦​របស់​ក្រុមការងារ​អន្តររដ្ឋាភិបាល​ស្តីពី​ការប្រែប្រួល​អាកាស​ធាតុកំពុងរៀបចំ

IPCC meetingសប្តាហ៍ទីមួយនៃខែឧសភា ប្រទេសជា​សមាជិកនៃ​ក្រុមការងារ​​អន្តរ​រដ្ឋាភិបាល​​ស្តីពី​ការប្រែប្រួល​អាកាសធាតុ​(IPCC) បាន​ជួបប្រជុំ​ពិភាក្សា​អំពីចំណុច​ផ្តោតនៃ​ការ​រៀបចំ​របាយការណ៍​​វាយតម្លៃ​លើកទី៦​របស់​IPCC នៅទីក្រុង​អាឌីសអាបាបា ប្រទេស​​អេត្យូពី។ ទម្រង់​​រួម​នៃរបាយការណ៍នេះ (រួមបញ្ចូលទាំងធាតុចូល​របស់ក្រុមការងារចំនួន៣ : វិទ្យាសាស្រ្តរូប, ផល​ប៉ះពាល់ បន្សាំុ និង​ភាព​ងាយ​រងគ្រោះ, និងការ​កាត់​បន្ថយ) នឹងត្រូវអនុម័តនៅ​ខែតុលាខាងមុខ ប៉ុន្តែ​របាយការណ៍​វាយ​តម្លៃលើកទី៦នេះ នឹង​ត្រូវបញ្ចប់​នៅ​រយៈពេល​៥ឆ្នាំខាងមុខ ពោលគឺនៅ​ឆមាស​ទីមួយ​ឆ្នាំ២០២២។

អាន​បន្ត...
 

ទទួលដំណឹង​​ពេល​មាន​អត្ថបទថ្មី

Enter your email address:

Delivered by FeedBurner

YouCMSAndBlog Module Generator Wizard Plugin

គេហទំព័រ​ព័ត៌មាន​ផ្សេង​ទៀត

  • The new normal: facing climate change +

    Source: Phnom Penh Post, Fri, 17 February 2017   Last year’s drought caused a nationwide crisis, with harvests ruined, forest Read More
  • Act Together to Protect Cambodia From Climate Change +

    Source: The Cambodia Daily, 4 January 2016 It’s time for us to discuss, plan and act together to protect Cambodia Read More
  • Ambitious agenda needed to fight climate change +

    Source: The Phnom Penh Post Fri, 16 September 2016 George Edgar Last December, 195 countries, including Cambodia, gathered in Paris Read More
  • Scenes from a drought - Across the country, water scarcity is threatening health and livelihoods +

    Source: Phnom Penh Post, 29 April 2016 Banteay Meanchey Since December, the only source of free water for the 600 Read More
  • Tonnes of fish killed by heat in Kampong Thom +

    Source: Phnom Penh Post Mon, 25 April 2016​ Niem Chheng and Sen David Record-breaking temperatures and drought are wreaking havoc Read More
  • ខេត្ត​​​រតនគិរី​​​​​​ជួប​​​គ្រោះ​​​រាំង​​​ស្ងួត​​​ដ៏​​​​​អាក្រក់​​​បំផុត​​​មិន​​​ធ្លាប់​​​មាន​​​ច្រើន​​​ឆ្នាំ​មក​​​នេះ​​​ +

    ប្រភព៖ The Camboida Daily យោង​​​តាម​​​អ្នក​​​ភូមិ​​​ មន្ត្រី​​​មូល​​​ដ្ឋាន​​​ និង​​​អង្គការដែល​​​​ធ្វើ​​​ការ​​​នៅ​​​ក្នុង​​​ខេត្ត​​​រតនគិរី​​​បាន​​​ ឲ្យ​​​ដឹង​​​ថា នៅ​​​សល់​​​តែ​​​ប៉ុន្មាន​​​សប្តាហ៍​​​ទៀត​​​តែ​​​ប៉ុណ្ណោះ​ ​​​​​​​​​​​​អ្នក​​​ភូមិ​​​ជាច្រើន​​​ក្នុង​​​ខេត្ត​​ភាគ​​​ឦសាន្ត​​ មួយ​​​​នេះ​នឹង​អស់​​​ទឹក​​​ប្រើ​​​ប្រាស់ហើយ​ ដោយ​​​​​​គ្រោះ​​​រាំង​​​ស្ងួត​​​ដ៏​​​អាក្រក់បំផុត​មិនធ្លាប់មាន​​​។ Read More
  • 1

Test your climate change knowledge - get a chance to win a prize

សំណួរខ្លីៗ

ប្រតិទិន​ព្រឹត្តិការណ៍

ខែមុន មិថុនា 2017 ខែក្រោយ
អា ព្រ សុ
week 22 1 2 3
week 23 4 5 6 7 8 9 10
week 24 11 12 13 14 15 16 17
week 25 18 19 20 21 22 23 24
week 26 25 26 27 28 29 30

Gathering knowledge from information

ព័ត៌មាន និង​ចំណេះដឹង

Developing policies and strategies with evidence based knowledge

គោលនយោបាយ និង​យុទ្ធសាស្រ្ត

Building a strong financial framework based on National Strategies and Action Plans

ហិរញ្ញប្បទាន​​​អាកាសធាតុ

Coordinating an adaptation and mitigation response based on National Action Plans

សកម្មភាព​​អាកាសធាតុ