កម្ពុជា ជាម្ចាស់ផ្ទះនៃវេទិកាសកលលើកទី៣ស្តីពីផែនជាតិបន្ស៊ាំនឹងការប្រែប្រួលអាកាសធាតុ

NAP global network 21 23 Sep 2016 2«បង្កើន​កិច្ច​គាំទ្រ​ផ្នែក​គោល​នយោបាយនិង​ការ​បញ្ជ្រាប​ទៅ​ក្នុង​ដំណើរការ​ផែនការ​ជាតិ​បន្ស៊ាំ​»​ គឺប្រធាន​បទ​ដែល​បាន​លើក​ឡើង​នៅក្នុងវេទិកា​​សកលលើកទី​៣ស្តីពីផែនការ​ជាតិ​បន្ស៊ាំនឹងការ​ប្រែប្រួល​អាកាស​ធាតុ ហើយ​ដែល​ប្រទេស​កម្ពុជាទទួល​ធ្វើជា​ម្ចាស់ផ្ទះ និងមានការ​ចូលរួម​ពី​តំណាង​ប្រទេសចំនួន៨​ រួមមាន បេណាំង កូឡុំប៊ី ម៉ាដាហ្កាស្កា ម៉ិកស៊ិក សាម័រ អាហ្រ្វ៊ិកខាងត្បូង តង់សានី និង​ថៃ ព្រមទាំងបណ្តា​ដៃគូ​អភិវឌ្ឍន៍​ប្រចាំកម្ពុជា សរុបចំនួន ៤៥នាក់។

ឯកឧត្តម អ៊ាង សុផល្លែត អនុរដ្ឋលេខាធិការក្រសួង​បរិស្ថាន បាន​មានប្រសាសន៍ថា ការ​ប្រែប្រួល​អាកាស​ធាតុ​បាន នឹង​កំពុង​គំរាមកំហែង​​ដល់ជីវភាពប្រជាជន និង​សេដ្ឋកិច្ចកម្ពុជាយ៉ាង​ធ្ងន់​ធ្ងរ​ ជាពិសេសដល់​វិស័យ​កសិកម្ម​ ធនធានទឹក ហេដ្ឋារចនាសម្ព័ន្ធ ជលផល​ ព្រៃឈើ តំបន់​ឆ្នេរ សុខភាព និងទេសចរណ៍។ ឯកឧត្តមបាន​បន្តថា កម្ពុជា​ត្រូវ​ត្រៀមរៀបចំកិច្ច​ការ​ជាច្រើនដើម្បីទប់ទល់​នឹង​ហានិភ័យអាកាសធាតុ​ ដូចជា កំណើនកម្ពស់ទឹកសមុទ្រ វិសមរូបសីតុណ្ហភាព ព្រឹត្តិការណ៍អាកាសធាតុ​ធ្ងន់ធ្ងរ​ ។ល។ ដូចនេះ កម្ពុជាត្រូវ​ការជាបន្ទាន់​នូវ​ផែនការ​ជាតិ​ដែលអាច​បន្ស៊ាំ​នឹងការ​ប្រែប្រួលអាកាសធាតុ​ដ៏មានប្រសិទ្ធភាព និងសមស្រប​តាមកាលៈទេសៈជាតិ។

ក្រោមកិច្ច​សហការរវាងបណ្តាញការងារសកលផែនការ​ជាតិ​បន្ស៊ាំ​នឹងការ​ប្រែប្រួលអាកាសធាតុ (NAP Global Network) ​វេទិកា​អន្តរជាតិនេះនឹងរៀបចំរយៈបីថ្ងៃចាប់ពីថ្ងៃទី​២១ដល់​២៣ ខែកញ្ញា ឆ្នាំ​២០១៦ នៅ​សណ្ឋាគារ ​Raffles Le Royal រាជធានី​ភ្នំពេញ។ ​វេទិកានេះគោលបំណង ដើម្បី​បង្កើន​កិច្ច​ខិតខំ​ប្រឹង​ប្រែង​របស់បណ្តាប្រទេស​នានា​ក្នុង​​​ដំណើរការរៀបចំ​ផែនការ​ជាតិ​បន្ស៊ាំរបស់​ខ្លួនឆ្លើយតប​នឹង​ផលប៉ះពាល់​នៃ​ការ​ប្រែប្រួលអាកាសធាតុ។

កម្ពុជា ក៏បាន​ចែករំលែកសមិទ្ធផលនិង​បទពិសោធន៍សំខាន់ៗរបស់​ខ្លួន​ក្នុងការ​ឆ្លើយតប​នឹងការ​ប្រែប្រួល​អាកាសធាតុ​ ក៏ដូចជាដំណើរការរៀបចំផែនការ​ជាតិបន្ស៊ាំ ដូចជា កំណែទម្រង់​ស្ថាប័នដោយ​ការបង្កើត​ក្រុម​ប្រឹក្សា​ជាតិ​អភិវឌ្ឍន៍ដោយចីរភាព ការ​រៀបចំផែនការ​យុទ្ធសាស្រ្ត​ឆ្លើយតបនឹងការប្រែប្រួល​អាកាសធាតុ​កម្ពុជា​និងយុទ្ធសាស្រ្ត​តាមវិស័យពាក់ព័ន្ធ ការរៀបចំ​ដំណើរការ​ផែនការ​ជាតិ​បន្ស៊ាំ និងសម្របសម្រួល​ឱ្យមាន​យន្តការហិរញ្ញប្បទានសម្រាប់​បន្ស៊ាំនិងកាត់បន្ថយឧស្ម័ន​ផ្ទះកញ្ចក់។ ព្រឹត្តិការណ៍នេះ ក៏បានស្វែង​យល់អំពី​ឧបសគ្គនានា​នៃការ​រៀបចំ​ដំណើរការ​ផែនការ​ជាតិ​​បន្ស៊ាំ និងយុទ្ធសាស្រ្ត​ដោះស្រាយ​បញ្ហា​ របៀបនៃការបញ្ជ្រាបសកម្មភាព​បន្ស៊ាំទៅ​ក្នុង​យុទ្ធសាស្រ្ត​របស់​វិស័យពាក់ព័ន្ធ​ និង​ការ​កំណត់វិសាលភាពបន្ស៊ាំពីបណ្តាប្រទេស​នានា។    

ដោយយោងតាមសន្ទស្សន៍​ហានិភ័យពិភពលោកឆ្នាំ​២០១៥ កម្ពុជាស្ថិត​នៅ​ក្នុង​លំដាប់ទី​៨ក្នុង​បណ្តា​ប្រទេស​ដែលប្រឈមនឹង​ហានិភ័យពី​មុខសញ្ញា​គ្រោះ​ធម្មជាតិ ហើយ​បើយោង​តាមសន្ទស្សន៍​ហានិភ័យ​សកលលោកឆ្នាំ​២០១៦កម្ពុជាស្ថិត​ក្នុង​លំដាប់​ទី​១៣ ដែលទទួលរងហានិភ័យពីការ​ប្រែប្រួលអាកាសធាតុ។ ដំណើរការផែនការ​ជាតិ​បន្ស៊ាំ​នឹងការ​ប្រែប្រួលអាកាសធាតុ​ត្រូ​វបាន​បង្កើត​ដោយអង្គការសហប្រជាជាតិ ​សម្រាប់​បណ្តាប្រទេសនានារៀបចំ​ផែនការអភិវឌ្ឍន៍​ប្រកបដោយចីរភាព​និង​រឹងម៉ាំសមស្របតាម​តម្រូវបន្ស៊ាំ និង​បរិបទ​របស់​ប្រទេសនីមួយៗ។

គេហទំព័រ​ព័ត៌មាន​ផ្សេង​ទៀត

  • The new normal: facing climate change +

    Source: Phnom Penh Post, Fri, 17 February 2017   Last year’s drought caused a nationwide crisis, with harvests ruined, forest Read More
  • Act Together to Protect Cambodia From Climate Change +

    Source: The Cambodia Daily, 4 January 2016 It’s time for us to discuss, plan and act together to protect Cambodia Read More
  • Ambitious agenda needed to fight climate change +

    Source: The Phnom Penh Post Fri, 16 September 2016 George Edgar Last December, 195 countries, including Cambodia, gathered in Paris Read More
  • Scenes from a drought - Across the country, water scarcity is threatening health and livelihoods +

    Source: Phnom Penh Post, 29 April 2016 Banteay Meanchey Since December, the only source of free water for the 600 Read More
  • Tonnes of fish killed by heat in Kampong Thom +

    Source: Phnom Penh Post Mon, 25 April 2016​ Niem Chheng and Sen David Record-breaking temperatures and drought are wreaking havoc Read More
  • ខេត្ត​​​រតនគិរី​​​​​​ជួប​​​គ្រោះ​​​រាំង​​​ស្ងួត​​​ដ៏​​​​​អាក្រក់​​​បំផុត​​​មិន​​​ធ្លាប់​​​មាន​​​ច្រើន​​​ឆ្នាំ​មក​​​នេះ​​​ +

    ប្រភព៖ The Camboida Daily យោង​​​តាម​​​អ្នក​​​ភូមិ​​​ មន្ត្រី​​​មូល​​​ដ្ឋាន​​​ និង​​​អង្គការដែល​​​​ធ្វើ​​​ការ​​​នៅ​​​ក្នុង​​​ខេត្ត​​​រតនគិរី​​​បាន​​​ ឲ្យ​​​ដឹង​​​ថា នៅ​​​សល់​​​តែ​​​ប៉ុន្មាន​​​សប្តាហ៍​​​ទៀត​​​តែ​​​ប៉ុណ្ណោះ​ ​​​​​​​​​​​​អ្នក​​​ភូមិ​​​ជាច្រើន​​​ក្នុង​​​ខេត្ត​​ភាគ​​​ឦសាន្ត​​ មួយ​​​​នេះ​នឹង​អស់​​​ទឹក​​​ប្រើ​​​ប្រាស់ហើយ​ ដោយ​​​​​​គ្រោះ​​​រាំង​​​ស្ងួត​​​ដ៏​​​អាក្រក់បំផុត​មិនធ្លាប់មាន​​​។ Read More
  • 1

Test your climate change knowledge - get a chance to win a prize

សំណួរខ្លីៗ